Fotografiere bedütet för mech s ächte Läbe fest zhalte, so wies wörkli esch, met ächte Momänt ond Gfühl! Ongstellt, öberraschend ond voller Emotione.

Noch mim erfolgrich abgschlossene CAS-Fotografie-Lehrgang hani mini ganz eigni Handschreft gfonde: Ehrlech, zart, noch ond berüherend. 

​

Ech liebe eifach die chline, ächte Momänt, wo nor passiered wenn niemer met dem rächnet.

Es liises Lache, eh Berüehrig, eh liebevolle Bleck wo meh seid als Tusig Wörter. Genau det entstohd för mech wohrhaftigi Fotografie - zmetzt im Läbe, bi allne Emotione.

​

Mini Belder seled för sech sälber Spräche ond Freudeträne verursache, well mehr sie eifach im Härze gspört. Genau die Belder seled zmetzt inne träffe, Gfühl lebändig bhalte ond Gschechte wiiter erzehle. 

Met minere Kamera schänk ech der ned nor Fotis, sondern äbe genau die Momänt wo witer Läbed. 

Setig wo mehr emmer weder gärn aluegt ond verzaubere lönd. Sie selled üs dra erennere wie schön s`Läbe esch, wemer d Kontrolle abgänd.